Page 4 - HOH 14 DEC 2015

Lo muda Landslaboratorium su operacion
den edificio nobo di Hospital

Posted on 12/13/2015 11:44 pm AST | Updated on 12/14/2015 7:53 am AST

ORANJESTAD - Den e ultimo añanan, e nivel di servicio na Landslaboratorium, a baha di
tal forma, cu Hospital a cuminsa preocupa su mes, cu e lo por yega un momento, cu lo crea
risico pa e cuido na pashentnan. "Bisando esaki, nos ta hopi contento cu nos a logra porfin,
pa traspasa e departamento di Gobierno, den un fundacion. Obviamente e garantia pa e
trahadonan, tabata un di e obstaculonan di mas grandi y cu e acuerdo aki firma, esaki
awor ta tras di lomba," Director Financiero di Hospital, Theo de Kool, a bisa, refiriendo na
e traspaso di Landslaboratorium pa Hospital.

ACUERDO ACEPTABEL PA TUR HENDE

Hospital a duna di conoce, di ta orguyoso di e colaboracion brinda pa ambos partido, pasobra na
un principio, a mustra cu e lo no ta facil, pero den realidad, e negociacionnan a bay den masha
bon ambiente y a termina den un acuerdo aceptabel, pa ambos banda, tanto pa sindicato SEPPA,
como tambe pa Hospital.

MUDA OPERACION LANDSLABORATORIUM

E intencion ta awor, pa muda henter e operacion di Landslaboratorium, den e edificio nobo di
Hospital, ora esaki keda cla. Lo sigui uza un pida di e edificio actual, cu tambe lo conoce