Page 10 - ATA 05 MAY 2017
P. 10

Minister Arends a reacciona riba e manifestacion di
 comerciantenan

  Thursday, 04 May 2017 20:33
   Comparti

 E situacion den caya grandi tin atencion di henter gobierno y en particular di Ministernan Mike Eman
 y Richard Arends.
 Arends a sigui e manifestacion di comerciantenan di caya grandi den Parlamento y tin oido pa e
 situacion reinante. Arends ta bisa cu e ta convenci si cu caya grandi ta den un transicion. "Gobierno di
 Aruba y mi Ministerio a facilita comercio cu varios actividad, pero mester ta consciente cu e situacion
 ta cambiando."
 "Nos no mester perde foi bista cu e demanda di e consumidor a cambia. Esaki ta algo cu ta bay wordo
 trata den e Hackathon edicion Oranjestad y mira kico ta e ideanan cu ta bay sali afo. Ideanan pa
 comercio for di pafo di comercio y mira con brasa cierto oportunidadnan cu tin." Arends a bisa cu e
 proceso no ta algo di awor. E turista Venezolano cu tabata cumpra hopi ya no ta bin mas. Gobierno di
 Aruba a inverti enormemente den e infrastructura di caya grandi. Hecho ta cu sector priva a pasa
 mescos cu gobierno den e crisis mundial. "Gobierno a recupera, pero nos mester tene na cuenta cu e
 patronchi di e consumidor tanto di afo como local ta cambiando. Online shopping y internet shopping a
 bira e forma nobo di haci compras. Na luna di december so 60 mil hende a haci uzo di internet pa haci
 nan compras di Pasco. Esey ta realidadnan cu nos no por cambia. "
 Arends tabata masha cla den esaki. "Gobierno su rol ta pa facilita, no solamente pa loke ta e parti
 infrastructural, pero tambe pa mira kico hunto cu sector priva por bin cu ne pa asina crea mas actividad
 economico den caya grandi."

http://www.24ora.com/index.php?option=com_content&view=article&id=121468:minister-arends-a-
reacciona-riba-e-manifestacion-di-comerciantenan-&catid=12:politica&Itemid=18
   5   6   7   8   9   10   11   12   13   14   15