Page 11 - Min Vos, 29 April 2015

20 AWEMainta Diaranson, 29 April 2015

ASB ta informa curso a inicia cu exito

Curso pa coach
a inicia riba
Dia di Rey cu
18 participante

ARUBA Softball Bond ta orguyoso di su team di coaching cu a

mustra interes. Manera a propaganda algun siman atras cu desde
26 di april, Canada a manda Aruba dos coach sumamente exitoso
p’asina educa y duna sosten pa sigui capacita nos entrenadornan.
Tom Duecette y Rob Guenter ta dos maestro cada un riba nan
tereno. Aunke un dia poco poco fastioso, esta un dia festivo pa ta
exacto dialuna ultimo, esta riba Dia di Rey un total di 18 miembro
di ASB, tanto coachnan cu experencia y sanger hoben cu ASB ta
entrena pa futuro a atende e promer seccion cu a inicia 8 am sharp
y a termina 2pm di atardi.

Despues cu a cuminsa cu un strategia manera e coachnan ta bisa
pa kibra e ijs y laga tur hende sinti nan comodo e lesnan a inicia.
Cierto momento a forma gruponan di 2, 3 of 4 p’asina hunto haci
un task of un tarea. Na final cada grupo mester a manda un pre-
sentador dilanti unda a cologa tur e flipchartnan den e meeting
room di Technical Center Angel Bota na Frans Figaroa y cada lider
di grupo a duna su presentacion relaciona cu liñanan den defensa
y nan tarea specifico.

Notable ta cu tin basta manera moderno awendia unda ta usa p.e.
e pitcher mucho mas pa cubri of sea back up den cierto hungada.
Rob Guentor a duna hopi informacion relaciona con pa educa
desde mucha di 8 aña bay riba como pitcher. A comparti basta
tecnica y DVD na tur representante y a comparti un programa pa
traha cu mucha cual sigur ASB a aprecia paso esaki ta cay den
cuadro di vision di ASB.

Interesante tabata momento cu Rob Guentor a duna un splicacion
cu e programa CanPitch a wordo desaroya den un team di exper-
tonan di New Zeeland, Australia, Canada y USA y a compara tur e
sistemanan di pitcheo y a desaroya e mihor for di nan. Ayera tardi
e grupo a move for di klas pa tereno di Kudawecha unda a sigui
capacita general coach y pitching coach pa cu un sistema moderno.
Danki na Subsidie Commissie cu a aporta pagando e estadia di
hotel cual sigur ta un parti costoso, mientras ASB ta cubri trans-
porte interno, alimentacion, huur di sala y veld etc . Softball den
un desaroyo moderno capacitando nos propio trainersnan.