Page 47 - Min Vos, 29 April 2015

Malcontento cu dokter ta duna receta y ta haya remedi generico

 Apr 29th, 2015
 Local

Den e habrimento di aña 2015 basta cliente di AZV no ta contento cu ora nan bay nan dokter ta
pa pidi receta pa remedi ta haya otro cos na botica pasobra a haci cambio na cuminzamento di
2015. Aki nos a acerca AZV pa haya sa dicon e haci cambio pa remedi generico.
Segun relacionista publico di AZV, Solange Tchong, AZV ta promove desde aña 2007, ora a
introduci e Best Arubian Price, loke ta yama e Promocion di Remedinan generico. Den e caso
caminda cu un persona a bay cu un receta di un dokter y na botica e ta wordo bisa cu e no ta
wordo cubri pa AZV, segun Tchong, en berdad a prescirbi un remedi original, AZV ta promove
sinembargo pa cubri e remedinan generico, pa eigenlijk e dokternan receta y prescirbi e
remedinan generico. Esey por ta un posibel splicacion pa cual e persona por haya su mes den
situacionnan cu e ta yega na e botica y kizas e pashent no a wordo informa cu loke el a wordo
receta tabata un remedi original, y e ora ey e ta haye confronta cu e situacion cu botica ta bay
duna e ora un remedi generico.
Pero si ta asina, cu AZV ta promove eigenlijk e prescripcion di remedinan generico. Ta bon pa
splica cu Aruba ta un di e paisnan cu a cuminza basta laat cu esaki, si compara cu otro paisnan
grandi den mundo. Por ehempel na Inglatera a dura nan 10 aña. Si bay mira cifranan prome cu a
yega na un cambio, ora cu a introduci cu ta bay usa remedinan generico, of ta bay promove e
prescripcion di remedinan generico, cu nan a haya nan ta dura 10 aña prome cu esaki tabata un
cambio.
Na Aruba si wak nos cifranan, pa menciona pa comparanan cu e cantidad di recept regels di
remedinan generico, segun Best Arubian Price, ta mira toch cu actualmente mirando e cifranan di
2014, cu ta 45% di tur e recept regelsnan, of tur cu ta wordo pidi na remedi, tabata generico.
Loke ta importante pa bisa cu den otro paisnan, esaki ta hopi mas halto.
Por ehempel, na e mesun pais, manera Hulanda, esaki ta casi 70%, si wak nan cifranan den 2013.
Cu esaki AZV kier refleha cu Aruba a cuminza basta laat, manera menciona, pa loke ta e
instrumento di uso of cubri remedinan generico, pero loke ta mas importante si ta cu Aruba, of