Page 39 - MIN VOS_Neat

Campeonato HEINEKEN di Aruba Softball Bond dedica na dos baluarte Sra. Bertha Wolf Croes y
Eugenio “Tan” Helder a continua riba veld di Dragon Hitters na Baracadera.

Den categoría di A- Klas e equipo di Logros ta baha fuerte riba e muchanan di Esy Kelly y ta propina nan
un knockout 13-3. Logros 13 careda, 9 hit, 0 error. Celebrities 3 careda, 6 hit, 3 error. Pitcher ganador ta
resulta Edgar Batista kende a cubri henter e ruta mientras Genaro Girigorie cu a ricibi relevo di Hildward
Geerman ta bay cas cu e derota. Mihor bateadornan pa Logros ta Manuel Salado di 2-2, Jose Rosario di
4-2. Pa Celebrities a luci cu e madera den man Wendsley Kock 2-2 y Jason Albus di 1-1. Den e di dos
wega di anochi Blackhawks ta derota Black Yoker cu score di 11-7. Blackhawks 11 careda, 12 hit, 0 error.
Black Yoker 7 careda, 11 hit, 1 error.

Un wega di bastante hit. Harold “Jochi” De Luvia ta resulta pitcher ganador y Brayen Webb ta bay cas cu
e derota. Mihor bateadornan pa Blackhawks ta Sergio Laurant 3-3, GiandrickTromp 1-1, Leo Dirksen,
Rodymar Geerman 3-2, Yerick De Kort 3-2 incluyendo un cuadrangular. Pa Black Yoker a destaca na
bate Giovany Maduro 1-1, Brayen Courtar 4-3, Xander Castro 3-2, Oslin Bergrok 4-2, Ingomar 2-1 cu un
homerun. Weganan di campeonato lo continua tur dia e siman aki riba veld di Dragon Hitters mientras
diabierna lo tin wega tanto na Dragon Hitters y tambe Flatstone. Softball den pleno rotación.

Campeon den Muay Thai boxing y Shidokan karate Jerry
Morris cu presentacion di su buki “To fail or succeed is a
choice”, den biblioteca na Playa

Monday, 10 July 2017 10:23
1
Comparti

Biblioteca Nacional Aruba ta organisa un presentacion di buki di e autor y deportista profesional Jerry
Morris.

Jerry Morris ta un campeon den Muay Thai boxing y den Shidokan karate. El a nace na Aruba y ta biba
na Hulanda. Cu hopi gusto e ta comparti su storia cu nos publico local titula ‘To fail or succeed is a
choice’. Esaki ta trata e storia di su bida, su experencianan, su desaroyo como deportista profesional y
como persona. E presentacion di buki ta tuma lugar dialuna awor 10 di juli y ta cuminsa 7or. E
presentacion ta na Ingles. Un y tur ta bon bini. Jerry Morris a nace na Aruba y cu 4 luna su famia a muda