Page 3 - HOH

2 AWEMainta
Aruba lo haya 12 cama pa su ICU for di Hulanda
HULANDA a anuncia cu lo produci 42 cama pa
Intensive Care Units cu lo wordo reparti bao di
e islanan di Caribe Hulandes.
Aruba, Corsou y St. Maarten cada uno lo haya 12
di e camanan aki pa nan ICU y Bonaire lo haya 6.
E camanan aki ta inclui e equipo di ventilacion,
cu t’asina necesario. St. Maarten banda di haya
e equiponan aki di ventilacion, lo haya tambe
yudanza di e personal necesario. Mei-mei di
april e otro islanan lo haya e yudanza aki tam-
be, segun informacion suministra na Hulanda.
Biyete di 100 florin di Aruba a gana prestigioso premio internacional
Di IBNS 2019 Bank Note of Year Award
Banco Central di Aruba a haya informacion cu nan a gana
e “IBNS 2019 Bank Note of Year Award”. T’asina cu “Inter-
national Bank Note Society” (IBNS) a anuncia cu su miem-
bronan a scoge Banco Central di Aruba p’e prestigioso pre-
mio anual di “Bank Note of the Year Award” pa aña 2019.
E biyete nobo di Aruba di 100 florin t’e diseño ganador di e
premio.
A introduci e biyete nobo di 100 florin na juni despues di
algun aña di preparacion intensivo y den cooperacion es-
trecho cu diferente stakeholder local. A splica e color di e
biyete aki cu ta representa e color di e habitat natural di
Diasabra, 4 April 2020
diferente especie di e flora y fauna di nos isla. Di tur e biy-
etenan nobo introduci den 2019, e miembronan di IBNS a
nomina 22 pais pa votacion. Den su comunicado, IBNS ta
papia hopi positivo di e biyete nobo di Aruba.
“E diseño unico ta capta bista y ta un balans efectivo den
combatimento di falsificacion y gastonan di produccion. A
envolvi scolnan local y comunidad completo den transicion
pa yega n’e biyetenan nobo.”
Jane Semeleer, Presidente di BCA a enfatisa cu: “Ta bisto
cu nos a logra crea un bunita serie di biyete. Nos tin un di
e serienan di biyetenan di banco mas moderno y inovativo
na mundo.
Nos ta orguyoso di nos vision – pa haci Arubianonan orguy-
oso di nos vision y mustra mundo e rikesanan di Aruba – cu
a conduci na e premio pa e biyete di 100 florin”.
Ta papia di un app gratis lansa pa comunidad “Aruba su
florin”. E app aki ta permiti pa siña di tur e aspectonan di
seguridad di e biyetenan den forma di wega.
Miriam Gonzalez, Directora Ehecutivo di BCA: “Despues
di e introduccion exitoso di e biyetenan nobo aña pasa, e
hendenan a custumbra e aspecto nobo di esakinan. Awor t’e
momento corecto pa laga e comunidad local dal un paso di-
lanti pa familiarisa nan mes cu e biyetenan nobo, cu ta re-
pasa e aspectonan di seguridad y pasa un momento agrada-
bel haciendo esaki.
E app ta tanto educacional como entretenido, contando e
storia tras di e creacion.”