Page 24 - LOTTO

Premionan grandi di Lotto: E premio ta dibo, t’abo tin cu
cumpr’e

Monday, 12 June 2017 19:50
Comparti

Nos tabata na oficina principal di Loteria di Aruba, pasobra Lotto ta logra haci hopi hende feliz y
naturalmente awor aki ta buscando un ganado.

Tur hende ta purbando, pero ainda no a dal e numbernan corecto. E premio di Minimega ta na 2.5 miyon
florin.

Director di Lotto, Ronald van der Berg, a splica cu suerte tin cu lidia cubo pa bo bay cu e premio.
Mirando cu ta druk caba dialuna, y diamars ta un dia importante.
Reaccion
E reaccion sigur ta wordo sinti. For di siman pasa caba tabata tin problema cu comunicacion door di
Setar, pero e siman aki a habri y no tin nada, ni diamars y awor caba ta druk cu bendemento di Mini
Mega.

E ta sigui crece
E lotto ta keda crece y e trafico ta aumenta. Siman pasa e trafico tabata hopi halto. Dialuna y Diamars cu
tin mas espacio, cu hopi hende kier gan’e, mirando cu hende kier bay cu vakantie.
Diaranson y diamars tin premio grandi

Diaranson y diamars, tin premio grandi. Esun di minimega di diamars ta 2.5 miyon. Diaranson Lotto
cinco ta 675 mil florin. E trafico ta subiendo y vooral diaranson tambe siman pasa a ripara cu tabata hopi
druk. Lotto ta warda.

Critica
Esey ta e wega di number. Ta tende critica tambe, cu a yena e balanan cu aire, etc. Lotto su portanan ta
habri semper segun ROnald v/d Berg. Si nan kier mira e sorteo, por yama pa organisa pa por mira e
sorteo. Yama ora cu nan ta na TeleAruba, cu nan por mira e sorteo y tambe e proceduranan prome cu e
sorteo. E proceduranan ta hopi severo. Tin hopi control prome cu haci e sorteo. Tin tres sorteo prome cu
e sorteo grandi mes. E testnan prome, un hende mester wak’e prome cu nan ta papia tipo di cosnan
asina. Lotto ta un compania hopi serio. Si ripara ultimo tempo, ta tende hopi cos, pero no ta haci nan
nada. V/d Berg ta splica cu tin posiblidad pa por wak e sorteo. Esey no ta e mesun cos. Ta mescos cu parti
di cobramento. Tanten cu un hende yega cu nan nomber riba e ticket, mester por cobr’e, pasobra ta dibo
e ta.
Invitacion

Ronald v/d Berg ta sinti cu e premio lo bay. Ban mira. Esun riba diamars y esun riba diaranson, e ta dibo.