Page 2 - ARUBA BANK
P. 2
18 AWEMainta Diaranson, 14 Juni 2017
UNOCA cu mini expo y TeleAruba
cu grabacion di “Alegria di Ruthy”
Nos tin un dushi cita riba dia 16 y 17 di juni venidero
CUMINSANDO diabierna dia 16 di juni 2017 venidero
pa 2:30pm traimerdia lo tin e oportunidad pa wak mas miho e
Mini Expo di e “Caranan di Ruthy” den un di e bunita salanan
di UNOCA, situa riba Stadionweg na Dakota.
Nos lo habri e Mini Expo aki cu hopi amor y carino pa esnan cu
no a haya e chens di a gosa di e mini expo aki na Cas di Cultura
di dia 24 di mei ultimo. Cu tabata durante e anochi fabuloso y
exitoso di e “One woman show” “Alegria di Ruthy”.
E biaha aki nan lo ta colga na e murayanan di UNOCA. E Mini
Expo aki lo keda habri pa algun tempo, durante cual lo por bay
wak tambe e ‘Power Point Slide Show’.
Mas den siman tambe e grabacion di e “One woman show”
“Alegria di Ruthy”, tambe lo ta riba e tv screen di UNOCA,
pa esnan cu ta gusta inspira den un luga trankil, memey di e
“Caranan di Ruthy”.
Na di dos luga, diasabra dia 17 di Juni 2017 pa 9’or y 10 di
anochi, si, diez pasa di nuebe, Tele Aruba conhuntamente cu
BNA, UNOCA y Aruba Bank lo pasa e grabacion di e “One
woman show” “Alegria di Ruthy”. Esaki specialmente pa tur nos
grandinan, pero tambe pa esnan cu no a alcansa di bay mira e
show aki en bibo. Y pa tur esnan cu a gosa di e show y kier rebiba
e dushi emocion y sintimentonan gracioso y positivo atrobe.
Sintonisa nos planta nacional canal 13 & 23 TeleAruba cu
“Alegria di Ruthy” - Un “One woman show” unico den su estilo
y forma. No perde esaki riba diasabra dia 17 di juni cuminsando
pa 9:10pm di anochi. No laga nan sigui conta bo, pero awor
wak pa bo mes tur locual e artista multifacetico conoci den
farandula como e poeta local Lady Ruth ta comparti di curason
pa curason yen di su dushi alegria. Su gran celebracion di su 44
aña den farandula, na caminda pa cumpli su di 60 primavera.
Di curason un danki grandi atrobe pa tur miembronan di prensa
p’e bunita cooperacion di informa pueblo atrobe. Danki!!!
