Page 12 - DIGICEL

Adelantando na e situacion, ta pidiendo un reunion pa e trahadonan mes yena nan
peticion. Si e situacion aki yega manera e ta, tur indicacion ta mustra fin di Juli e
trahadonan lo ta sin salario.

Trabao di e luna aki

Aparte di esey, e pregunta ta si yega asina leu cu e compania wordo declara bancarota,
un trahado cu tin cinco aña den servicio, lo haya un siman pa cada aña cu ta un total di
5 siman di salario y for di e salario aki, tur esakinan a wordo splica, cu lo mester deduci
loonbelasting y tur otro primanan. E trahado mester sa den ki situacion e ta aden y

eventualmente kico ta e posibilidadnan di busca un otro trabao, mientras cu
oficialmente ainda e ta den servicio di e compania aki.

Trahadonan

Tin mas of menos 12 pa 13 trahado y varios di nan tin algun aña trahando cu e

compania.

Persecucion

Segun Anselmo Pontilius si mira e caso di Aura Casino, por ehempel e directornan of e
accionistanan, aunke kisas lo tin posibilidad, e procedura largo, akiden e pregunta lo ta
cu si tin cambia ley y haci nan mas drastico den esaki.

Den caso di e compania aki, e accionistanan no ta ni biba na Aruba. No tin ningun tipo
di propiedadnan cu por yega cerca nan y masha poco propiedad nan tin disponibel na
un compania asina aki, cu si acaso yega asina leu cu hues declara e compania
bancarota, e pregunta ta kico ta bay ta e resultado pa motibo cu si nan debe otronan,

inclusive si nan debe belasting, eseynan ta hasta bin prome, segun Pontilius.