Page 12 - UTILITIES
P. 12
Trahadonan di un sector di WEB a walk-out
Wednesday, 13 April 2016 14:19
Comparti
Algun trahado di WEB nan pasenshi a yega na e punto cu nan no por wanta mas e actitud di Sector
Manager cu inicial R.F. E problema tabata asina serio cu nan a dicidi di walk-out di 7.30 pa 9.15 di
mainta. E no ta solamente pa e actitud di e sector manager pero medidanan cu kier wordo impone riba e
trahadonan, cu nan no ta di acuerdo cu nan ni e forma con esaki ta wordo haci.
Presidente di e sindicato SIWA tabata presente na e sitio y a splica cu e trahadonan di operacion ta hopi
disgusta y ta haya cu nan ta 100% den nan derecho y e forma cu nan ta actua. Pa tal motibo a surgi un
descrepancia entre e trahadonan y gerencia pa cual a dicidi di bay den accion pa mustra nan disgusto.
Nan a pidi e director pa bini pafo y nan haya aclaracion riba e situacion. E director a papia cu e
trahadonan y a keda di sinta na mesa cu e sindicato. Pero for di awor caba SIWA ta sinti cu e ehecutivo a
duna nan razon den nan pensamento y cu nan accion ta hustifica.
