Page 9 - AAA

a14 local
Diaranson 18 october 2017
Pronostico di tempo

Alerta: un aviso pa biento mainta 06:30am. Durante proximo 24 ora, lo sion di aire den Caribe lo
duro ta na vigor te proximo Biento: no bay tini cambionan sig- pone cu pa proximo dianan
aviso... Modera te basta fuerte for di nificante den e tipo di clima biento lo supla duro te hopi
direccion generalmente oost; cu tini actualmente. duro.
Tempo: forsa 4 te 5 (20 te 39 km/ora,
Parcialmente nubia cu local- 11 te 21 nudo). Den dia fuerte Temporalmente humedad lo Condicion di lama:
mente un awasero pasahero te duro, tin bes hopi duro den bira suficiente y esaki lo pone Olanan di lama lo ta for di di-
Temperatura maximo 34 rafaga; forsa 6 te 8 (40 te 64 mas nubia pasa den region reccion oost cu haltura di 5 te
grado Celsius y temperatura km/ora, 22 te 35 nudo) local. Localmente un awasero 8 pia .
minimo 28 grado Celsius. pasahero por cay e ora ey riba Olanan di mas halto na parti
Solo lo baha awe nochi Situacion general di tem- e isla. oost te noordwest di nos cos-
06:20pm y lo sali mañan po: Diferencianan grandi di pre- ta.

Integrante Rayner Sprott:
‘Mi pasion semper tabata canta y awo mi ta cu 1OAK’

ORANJESTAD - E aña aki e banda One of A Kind
(1OAK) a lanta y nan ta cla pa deleita tur hende cu nan
canticanan unico, asina e relatp cu nos a haya ta laga
sa. Un di e cantantenan ta Rayner R.Y. Sprott, cu ta un
hoben di 20 aña. Den e relato e ta conta su storia.

Rayner Sprott su stimacion na canto y musica ta bin danki na
su tata, kende ta un legendario cu un carera extenso y exitoso
como musico y cantante riba nos Isla, esta Reynaldo ‘Mighty
Rusty’ Sprott. Di chikito e tabata mira su tata como un role-
model y sin duda ainda e ta pa su persona. “Mi no por laga afo
e parti cu baile tambe ta un parti esencial den locual mi gusta
haci. E combinacion perfecto”, asina Reynaldo ta expresa.

E prome experiencia riba escenario di Rayner tabata cu su 8
aña di edad na momento cu el a participa den un Calypso &
Roadmarch Contest. Esaki tabata algo inolvidabel, pasobra aki
el a haya su confirmacion di su vocacion y pasion. For di e
momento ey e tabata sa cu su carera como cantante a inicia y
di eynan e no a para mas.

El a forma parti di e contest di cual e ta orguyoso di e inicio
ey. Cu su 14 aña el a tuma un break pa asina duna chens pa su
bos desaroya, pa asina ey sigura y forma un base solido como
artista. Tempo e tabata mucha el a presenta na varios ocasion
den Cas di Cultura como tambe riba e Barco Free Winds.

Na edad di 17 aña el a join e banda di su tata, unda nan tabata
presenta den Casino na Riu Palace Aruba. Asina aki un biaha
mas el a cuminsa gana su experiencia como un hoben adulto
pa sigui cu e vocacion aki.

“Naturalmente como artista e parti cu semper ta e reto prin-
cipal ta e publico cu bo tin cu enfrenta. Y akinan e conse-
ho y conocemento di mi tata semper tabata t’ey presente, pa
asina yuda mi surpasa cualkier nervio y asina forma e artista
Rayner”, Rayner ta splica.

Ta importante pa cada artista haya su propio estilo y ta co-
modo cu su mes y den dominio di su publico, pa asina e por
duna su miho presentacion.
Presentacionnan cu su tata na hotel a bira menos, pasobra un
otro oportunidad tabata na caminda. “Na aña 2016 bou guia y
liderazgo di mi tata un biaha mas nan a haci un cambio chiki-
to. Nan a bay forma parti di e banda ‘4Real’.

E banda aki tabata presenta unicamente den temporada di
Carnaval cu despues di algun tempo a disolve amicalmente.”
Cu su 19 aña el a bolbe forma parti full time hunto cu su tata
Mighty Rusty den e banda na Hotel Riu Palace, di cual e ta
forma parti di e cantantenan principal pa mas di 1 aña caba.
Jurrick Salomon a acerca Rayner Sprott cu e proposicion pa
forma parti di un banda nobo pa Aruba.

“Esaki a tuma mi algun tempo pa yega na un decision. Pero na
momento cu mi a tum’e, mi mester bisa cu e ta un escogencia
bon haci. E banda aki lo trece diversificacion/animacion dife-
rente y di cual e ta contento di por forma parti di dje. 1OAK
‘One of a Kind’. Desde awo un danki grandi na Aruba pa ricibi
nos man habri y cu tanto entusiasmo.”