Page 54 - KPA

Algo pasa di 5'or y mey di di diamars atardi, patruya di trafico, hunto cu

strandpolitie a ser dirigi na e crusada di Divi Divi Hotel, caminda lo a sosode un

accidente entre un bus y auto.

Polis a wordo dirigi na e sitio menciona y a bin topa cu un bus di De Palm Tours numera

T- 97 y un Toyota Prado color blanco, numera A-10459, cu a dal den otro. Ora cu polis a

bay check kico exactamente a sosode, e chauffeur di e bus ta conta polis cu el a caba di

baha algun huesped na Divi Divi pa despues bay na e otro hotelnan den cercania, ora cu

diripiente un auto a sali for di bandi di e cura di e hotel, sin paga tino cu tin trafico ta

circula.

Pa su mala suerte e bus a dal den banda di e Prado, caminda cu tres ocupante hoben a

keda herida. Nan a haya basta sla na lomba, otro na cara. Ambulance a wordo pidi pa

asina

atende cu e 3 hobennan aki.

Na momento cu polis tabat tumando nota di e accidente, nan a

bin ripara cu un di e hobennan cu tabata chauffeur di e Prado, no tabata tin rijbewijs y ta

menor di edad. Daño material ta considerabel. Den e Prado polis a bin wak un hookah y

tambe sencia den e auto, cual consecuentemente a hera cende e auto na candela. Mayor di
e hobennan aki a presenta na e luga pa mira si nan ta OK. Tambe doño di e auto mester

busca un takelwagen pa asina kita e auto for di caminda, mirando cu esaki no por core

riba

su mesun forsa.