Page 62 - KPA

Ta e pregunta cu di biaha a bin ariba ora cu a bin resulta cu ayera, Ministerio Publico no a

exigi ningun castigo contra e agentenan pa e aresto cu resultado fatal di Mitch Henriquez.

Nan no ta culpabel di su morto, segun fiscal. Si di maltrato, pero debi na e

consecuencianan

gigantesco di e caso, nan a wordo suficientemente castiga, segun ministerio publico. Pa

frustracion di e ex di Mitch, e mama di su yiu homber. "Ta aparente cu e agentenan

ta haci y ta permiti loke cu nan kier." Nos conoce algun ehempel. Rishi, por
ehempel e hoben di 17 aña cu a wordo tira mata na e stacion di trein Hollands Spoor. E

agente cu a los e tiro fatal, a wordo libra na final di 2013 di tur persecucion penal. Si e

agente na Heerlen, kende cu a tira un sospechoso di ladronicia. El a wordo condena pa

hues te cu dos aña di prizon, pero den hoog beroep, el a sali liber. Na fin di aña pasa, hues

a declara un agente di Den Haag liber di intento di morto riba un Romano. E homber a

scapa despues cu un

bala policial a bora su intestinonan.

Si ta conoci cu hopi biaha cu agentenan ta aplica violencia. Dentro di e Unidad Den

Haag, esey ta mas of menos 2000 biaha pa aña. Segun Jaap Timmer, sociologo policial,

un man yen di tur e incidentenan na Hulanda, ta bin dilanti di hues. Un tercera di e

casonan ta haya un veredicto. Timmer ta splica cu e agentenan, compara cu

sospechosonan cu ta wordo castiga mes hopi, solamente nan ta hay'e menos severo.

E agentenan hopi biaha ta haya castigonan condicional of taakstraf. Segun Timmer door

cu den principio hopi biaha ta acerca e sospechoso cu bon intencion. "E no ta sali

for di cas y ta pensa, "ban, mi ta bay tira un hende," el a bisa den Algemene
Dagblad. Pa e famianan di Mitch, nan ta pone nan ultimo speransa den e huesnan. Ainda

nan por dicidi otro contra di e deseonan di Ministerio Publico. E uitspraak lo ta dia 21 di

December proximo.