Page 21 - AWEMAINTA

Diaranson, 20 November 2019 AWEMainta 21

Concierto Dominical “Donny Laclé” ultimo,

tabata cu variacion unico di musica alegre

DIADOMINGO, dia 27 di october 2019,
Fundacion pa Talento Musical Donny Laclé a

organisa un biaha mas un Concierto Domini-

cal den e sala grandi di Biblioteca Nacional
Aruba.

E concierto a habri cu presentacion Coro La
Escala, bou di direccion di Hector (Chichi)

Perez. Dia 25 di october e coro aki a celebra

31 aña di existencia. Publico por a gosa di un
repertorio alegre cu entre otro “Unda bo kier

bay?”, “Estrellita del sur”, potpourri y “Stima
bo tanto”.

A sigui cu e conocido cantante Francis Jacobs
cu tambe a prepara algo bunita pa su prome

presentacion na Concierto Dominical. Francis

Jacobs a presenta un repertorio varia cu entre
otro “Atardi Aruba ta bunita”, “Ayo mi dudu”,

“Todo me gusta de ti” y “Heb je even voor mij”.

A clausura e programa cu Tipico Camari cu ta
bou di direccion di Fabian Ras. Tipico Camari

a presenta un repertorio cu entre otro “Amor
scondi”, “Abo so” y a clausura cu potpourri di

cantica di Pasco.

E concierto dominical tabata masha anima.

Ta extende gratitud pa e cooperacion na Ivan
Quandus (cabayero di sonido), gerencia y e

trahadornan di Biblioteca Nacional Aruba,

Ray van Gulick kende ta percura p’e cushina,
e grupo di boluntario cu tur diasabra prome

cu concierto ta prepara y decora e sala pa dia-

domingo. Un danki special na CedeAruba y
Samenwerkende Fondsen Caribisch deel van

het Koninkrijk.

E comision organisador ta gradici tur e artis-

tanan y e audiencia pa nan tremendo presen-
tacion, presencia y contribucion n’e concierto.
Nos ta topa atrobe diadomingo dia 8 di

December 11.00 or di mainta na Biblio-

teca Nacional Aruba pa nos ultimo Con-
cierto Dominical pa 2019.