Page 14 - MIN SJA 12 MAART 2016

 Front Page
 Newsflash Videos

Paul Croes: Nos ta keda dedica energia, tempo y proyectonan
pa hubentud

Comparti

Minister di Asuntonan Social, Labor y Hubentud drs. Paul Croes lo anuncia dentro di poco otro
programa dedica na e sector social cu lo inclui programanan di motivacion pa hobennan (problematico)
den varios centro di bario.
"Ta trata di un programa dirigi riba tur gruponan social den nos sociedad. Centronan di Bario lo ta e cede
di e proyectonan di educacion social. Hobennan cu ta forma risico tambe lo wordo inclui den e
programanan aki", Minister Paul Croes a informa.
Pa 2016 Minister Paul Croes a mustra cu e meta ta pa enfoca mas riba hobennan cu tin problemanan
social. Ta trata di hobennan cu ta scoge un rumbo incorecto y cu kizas a comete delitonan; educacion
social ta parti di e programa aki. "Nos lo drenta e barionan unda e problemanan aki ta pa asina trata na
yega na e hobennan aki. Banda di otro gruponan di meta social, hobennan lo tin un lugar special den e
programa aki", Minister di Hubentud a enfatisa. Oficialmente e proyectonan social aki lo wordo anuncia
den curso di e simannan nos dilanti.
Segun investigacion riba Norma y Balornan di nos hobennan haci pa Universidad di Aruba, un gran
mayoria di nos hobennan ta haciendo lo corecto y ta dedica. Pero tin un percentage (5%-10%) cu mester
di guia y educacion social intensivo. "Cu e programanan semanal aki nos ta spera di yega mas cerca di e
problemanan den nos sociedad, particularme