Page 48 - KPA 28 NOV 2015

Djasabra 28 Novèmber 2015 43

Kontinuashon di pagina 2
12 AÑA PRISON PA...

ku ta remarkabel ku e ta
kòrdá tur kos te ora ku e tira
un biaha so, i despues nada
mas.

Testigunan bou di palu a
duna otro vershon. Meskos
e frei di Tutu ku tabata
den outo ku Tutu i tambe e
frei di Pambo. E amigunan
bou di palu ta tende e dos
primunan ta pleita. Nan no
sa pa kiko.

Diripiente Tutu ta bai
outo i ta start esaki pa bai,
pero Pambo ta kana bai riba
e outo i kuminsá tira den
direkshon kaminda Tutu ta
sinta.

Tutu ta haña bala den
barika i pia.

Tutu ta habri porta
di outo, i kore bai for di e
akusado, pero esaki a sigui
tras di e víktima i lòs bala
riba dje.

Tin testigu ta bisa di a
mira e víktima ta zuai man
den direkshon di Pambo p’e
stòp di tira, pero esaki a
sigui tira. Tutu ta kai abou
na suela, i aki e akusado ta
yega i bolbe lòs mas bala
riba dje, entre otro dos na
su kabes.

E frei di Tutu a konta,
el a bai para dilanti Pambo
pa stòp di tira, pero esaki
a push’é lag’é bai kai, i el
a mira kon Pambo ta kana
yega serka Etienne i sigui
basha bala kaba kuné.

Segun testigunan tantu
Pambo i Tutu ta konosí pa
nan akto di bendementu
di droga na Den Helder.
Pambo tin un karchi
kastigu ku bastante kaso di
maltrato, menasa i tambe
na 2011 e tabatin un kaso
di asesinato. Samboe tin dos
siman di tempu pa apelá.