Page 16 - MIN ON, JULY 01,2015

Departamento di Enseñansa ta recorda cu 4 aña pasa a lansa
website ea.aw riba Dia Nacional di Enseñansa

Publication: Wednesday, 1 July 2015. Categoria: General

ORANJESTAD(AAN)–Awe, 1 di Juli, Dia Nacional di Enseñansa, Departamento di Enseñansa
Aruba ta recorda cuater aña cu a lansa e website Enseñansa Aruba | ea.aw, desaroya cu e
intencion pa brinda un punto central di informacion relaciona cu Enseñansa na Aruba.

Despues di cuater aña por a tuma nota cu e cantidad di informacion y productonan di servicio
publica a crece considerablemente, como tambe e cantidad di bishitante di e website.

Desde su lansamento na 2011, e website durante su prome aña a conoce alrededor di 6 mil
usuario nobo kendenan a bishita un promedio di 144 pagina pa dia. Den su di dos aña esaki a
crece pa 15 mil usuario, den su di tres aña pa 22 mil usuario y durante e di cuater aña e mas di 34
mil usuario.

Actualmente e promedio di e cantidad di pagina bishita pa dia a subi di 393 (aña 3) pa 556.

E gran mayoria di bishita na e website ta bin for di Aruba, sigui pa Hulanda, Corsou y Merca. Pa
loke ta edad di e usuarionan, e grupo di mas grandi ta esnan entre 25 y 34 aña, sigui pa e
hobennan di entre 18 y 24 aña di edad.

Actualmente e paginanan mas bishita desde lansamento di e website ta di Landsexamen,
Vakantie di Scol, Vacatures y Studiefinanciering.

E articulonan di noticia mas lesa durante e ultimo aña escolar (igual na e aña anterior) ta di e
publicacion di vakantieroosters, Aplicacion pa Landsexamen y Aplicacion pa Arubalening.

Plan pa mehoracion

Semper tin espacio pa mehoracion. Actualmente ta preparando pa durante e siguiente aña escolar
/ academico introduci diferente producto y servicio nobo a traves di nos website. Tambe ta e
intencion pa haci un investigacion bou di e usuarionan pa haya input pa mehoracion di e
producto.

Departamento di Enseñanza ta aprecia bo opinion! Cualkier persona cu por tin un comentario of
sugerencia por tuma contacto cu nan libremente na info@ea.aw.

Structura di e website

E website Enseñansa Aruba ta contene un alfabet menu caminda por haya un gran cantidad di
topico relaciona cu Enseñansa na Aruba, den orden alfabetico. Un lista di topico cu ta keda
amplia cada cu ta necesario.