Page 67 - MIN ON, JULY 01,2015

Awe ta Dia Nacional di Enseñansa

Publication: Wednesday, 1 July 2015. Categoria: General

ORANJESTAD(AAN)– Enseñansa ta fundeshi di un comunidad y mester ocupa un funcion
cardinal den desaroyo di un pais. Na Aruba mas di 20 mil alumno ta bay scol tur dia.
Na mas o menos 80 scol, e hoben y muchanan ta haya e oportunidad pa descubri y desaroya nan
propio capacidad.
Alrededor di 1300 Maestro di Scol ta dedica nan mes na enseñansa y educacion di nos yiunan.
Awe, dia 1 di juli ta Dia di Educacion y Enseñansa na Aruba. Esaki ta un bon momento pa nos
reflexiona riba su balor y importancia, pero tambe riba e retonan y e responsabilidad cu cada un
di nos tin den enseñansa y educacion di nos yiunan, di nos comunidad.
Departamento di Enseñansa Aruba ta haci uzo di e oportunidad aki pa felicita y gradici un y tur
cu ta traha pa Enseñansa na Aruba.
Alabes ta felicita tur nos muchanan cu a bay over y e hobennan cu a gradua, y ta desea hopi
animo y exito na esnan cu tin cu pasa e aña un biaha mas.
http://www.diario.aw/2015/07/awe-ta-dia-nacional-di-ensenansa/