Page 11 - MIN ON 9 APRIL 2016

16 AWEMainta Diasabra, 09 April 2016

Minister Alex Schwengle riba Dia Mundial di Salud DIA Mundial di Salud tabata dia 7 di april, y e

Diabetes ta un peso aña aki a enfoca riba un estilo di bida saludabel,
pa nos comunidad pero cu enfasis riba prevencion di Diabetes. Stop
Diabetes, concientisa mucha, hoben y adulto awe
E responsabilidad ta keda pa nos mes pa por cosecha generacionnan mas saludabel den
futuro.
E proyecto di Scolnan Saludabel ta pa forma nos
futuro saludabel, pa nos chikitonan siña for di awor
caba kico ta biba saludabel. Pa stimula e mayornan
pa sigui e caminda ey. Pero tambe mester tene
e realidad den mente y e realidad ta cu tin un
explosion grandi di obesidad cu consecuentemente
a genera un epidemia di Diabetes.
Hunto cu esaki hopi pashent tin presion halto,
hopi ta sufri di diabetes y e peso financiero ta hopi
grandi pa henter e area di salud y specialmente pa
AZV, e.o. Pero p’e persona mes, ora cu e tin e sucu,
ta importante p’e pashent sa cu Diabetes ta afecta
tur e organismo, bista ta bay atras, riñon ta bay
atras, ta perde poco poco gevoel di man y pia. E
hecho di ta of bira diabetico ta haci bo bida menos
agradabel y ta duna limitacion.
Apart di esey e ta un peso pa comunidad. Si mester
sufri di retonan severo cu sucu y no cuid’e por
sosode cu ora e persona tin 40 pa 45 aña e daño
fisico ta comprometedor. E daño fisico t’asina
grandi cu aporta na comunidad y hiba un bida
independiente ta bira cas imposibel. Esaki lo trese
cune cu ta otronan tin cu take care dibo nan lo
haci’e si cu amor, pasobra nos ta ciudadano cu ta
yuda otro, pero si e cantidad di persona asina bira
cada biaha mas grandi, dado momento comunidad
no por carg’e.
Cu nos kier of no, nos no lo por carg’e mas y esey
ta importante pa nos como Arubiano realisa cu e
responsabilidad ta di nos mes.
Ta facil pa tira culpa riba un departamento, riba
un organisacion of riba un Minister, pero na final
di dia e prome responsabel pa bo salud ta bo mes.

Dr. Alex Schwengle, den su calidad di Minister di
Salud Publico, Cuido di Nos Grandinan y Deporte,
ta considera cu hende mester por sa cu obesidad
ta un peliger, diabetes ta un peliger y cu e tin
consecuencia ora e ta for di control.
Sinembargo e ayudo t’ey. Tin cosnan cu tin cu bin
pura. Tin hopi huiswerk pa haci ainda y ta trahando
riba dje, pero e enfoke ta keda y e peticion ta pa
pueblo move tur dia mey ora of un ora, ki sorto di
movecion no ta importante, tanten cu ta move.
Stop di bebe cosnan cu sucu, bebe awa. Si bo ta
gusta bebida alcoholico, limit’e te na dos y si por,
maximal 1 biaha pa siman.
Come bo fruta y berdura tur dia y biba menos na
careda constantemente esaki ta malo pabo curason,
stress ta hopi malo p’e curazon.

Esey t’e mensahe cu Minister Schwengle tin pa
pueblo y ta spera cu cada ciudadano por aporta
na nan mesun salud pa nos tur ta un tiki mas sano
y biba un tiki mas contento den nos bida.