Page 14 - MIN ON

Joselin Croes (POR): Lo Traha Duro Pa Aruba Haya
Un Centro Special Di Detencion Pa Hobennan

 Local
- 16/05/2017

Como abogado penal, Joselin Croes varios bes a defende hobennan cu ta cay cera pa
motibo cu nan a comete un of otro acto criminal. Hopi biaha ta pa hortamento, atraco,
bendemento di droga, traficacion di droga, pelea den gang, stacamento di otro cu cuchiu
na scol, joyriding, etc.
Ta papiando di hobennan entre 12 pa 18 aña. E maneho actual di OM ta pa no cera
hobennan jong den KIA. Nan lo purba prome pa yuda e hobennan via reclasering,
formacion social of duna nan un scual y despues di 10 dia cera na Warda di Polis laga
nan bay cas bek.