Page 4 - MIN ON
P. 4
CEO DI AHATA, JIM HEPPLE: “E AÑA AKI
PARTICIPACION TABATA MAS GRANDI DEN
EXHIBICION DI RECICLAHE”
May 16, 2017 Admin Uncategorized Leave a comment
ORANJESTAD, Aruba – AHATA su Comision di Medio Ambiente ta organisando pa
15 aña nan exposicion – competencia di Arte Recicla na UNOCA y e aña aki un
biaha mas e participacion tabata grandi. CEO di AHATA, Jim Hepple, ta contento
di mira con e exposicion tur aña ta hayando mas participacion. E exposicion a
cuminsa como un compromiso pa medio ambiente, pasobra nan kier a haya e
atencion con por haci uzo un biaha mas di productonan simpel den otro forma.
“Mi ta kere e scolnan, muchanan, gruponan a haci un trabou maraviyoso di
realisa tur sorto di artenan creativo y nos ta hopi contento cu esey”, Jim Hepple
a remarca. El a manda palabranan di pabien pa AHATA su Comision di Medio
Ambiente pe evento cu tur aña ta birando mas grandi y miho. “Bo por mira e
participacion con hopi hendenan ta gusta pa forma parti di dje”, Jim Hepple a
expresa. AHATA ta sumamente contento cu nan por yama e atencion pa recicla y
