Page 18 - MIN ON 30 JUNE 2015

26 AWEMainta Diamars, 30 Juni 2015

Minister Michelle Hooyboer-Winklaar:

No tin logro chikito den Enseñansa

Un total di 34 graduado na Scol Preparatorio pa Ofishi

MINISTER Michelle Hooyboer-

Winklaar encarga cu maneho di
enseñansa riba nos isla a participa
activamente na diferente ceremonia
pa honra e graduadonan di scolnan na
Aruba.

Na Alahambra Ballroom, Scol
Preparatorio pa Ofishi (SPO) a honra
34 graduado cu e tema: “E yabi pa exito”.
Minister Michelle Hooyboer-Winklaar
tabatin palabranan di elogio p’e
studiantenan y a repasa e retonan di e
prome aña di e constelacion nobo di SPO,
su infrastructura y muy specialmente su
seguridad.

“Den un periodo hopi cortico a enfrenta
retonan, pero a tuma decisionnan cu
enfoke riba e studiante y su capacidad,
den bes di sigui cu e mesun rumbo cu no
tabata profila e talento ni capacidadnan
di e studiante, ni tampoco e dedicacion
di e maestronan”, Minister Michelle
Hooyboer–Winklaar a subraya.

Un grupo di 34 studiante, esta Brandon
Ferreira, Xaenne Kelly, Travis Maxwell,
Nigel Muringen, Shahaira Perez, Sandro
Solognier, Jomark Willems, Aysheline
Bernabela, Mikaela Geerman, Nathaniel
Geerman, Alexander Groeneveldt, Ina
Haayen, Joally Mackay, Jeniree Courtar
McBene, Jorman Woodley, Anfernee
Flanders, Hilberto Geerman, Andy
Joseph, Kenrick Lacle, Ricoberto Martina,
Michael Noel, Adoni Panthophlet,
Nicolas Powell, Armando Vrolijk,
Jerney Alexander, Daniel, Angela,
Jameer Flemming, Jason Jones,Diana
Pieternella, Jairo Ras, Joel Smith,
Marshall Willems, Andres Manuel y Ruald
Kock, tur a haya un felicitacion particular
como e prome graduadonan di SPO.

E mihor graduado pa (SPO) Scol Practico
di Ofishi a resulta Nigel Muringen.
Minister di Enseñansa a felicita
e alumnonan, pero specialmente e
docentenan pa nan pasenshi, nan
dedicacion y nan experticio den educa
hobennan pa por drenta proceso
laboral mesora despues di scol.