Page 34 - MIN ON 30 JUNE 2015

SKOA ta duna su banda di medaya pa loke ta

caso den corte di dia 25 di Juni

on: Tuesday, June 30, 2015In: LocalNo Comments
Print Email

Cu e siguiente relato SKOA kier a informa encuanto di e caso den corte diahuebs 25 juni 2015.
Un grupo di mayornan a cuminsa un caso contra SKOA pidiendo suspension di e pago escolar y
contribucion pa airco pa e aña escolar venidero y pa no mara e re-inscripcion na scol na e pago
escolar.
SKOA a splica con a yega na e aumento di e pago escolar despues di deliberacionnan cu
Minister di Enseñanza y cu esaki ta necesario en bista di e inversionnan pendiente den enseñanza
cu no ta wordo cubri door di e subsidio cu SKOA ta ricibi for di gobierno. Tambe SKOA a splica
entre otro cu e aumento inicial tabata tin di haci cu e subsidio a baha y verrekeningen cu no a
wordo haci a base di relatonan anual cu a wordo entrega y cu despues di deliberacionnan cu
Minister di Enseñanza e pago escolar a wordo stipula na Afl. 175,- pa mucha.
SKOA a splica su punto di bista cu contrario na otro paisnan den reino enseñanza no ta gratis na
Aruba. E hecho cu Aruba ta miembro di tratadonan internacional ta trece cun’e un obligacion di
gobierno pa trece cambionan den ley pa haci esaki posibel manera otro paisnan den reino a haci.
SKOA a mustra riba e hecho cu pa introduci enseñanza obligatorio gobierno mester haci esaki pa
medio di cambionan di ley. E stipulacionnan di e diferente tratadonan internacional no ta
stipulacionnan cu e ciudadano por haci apelacion directo riba dje como tampoco apela contra
otro ciudadano manera den e caso aki e mayornan ta haci contra SKOA.
SKOA a mustra tambe riba e consecuencianan cu un decision na fabor di mayornan lo tin pa e
organisacion di SKOA, por ehempel cu lo no por cubri tur e gastonan na scol, por ehemplo
gastonan di material na scol. Cu e pago escolar mayornan ta aporta minimal na e gastonan di
enseñanza di nan yiu.

Subsidio/ Re-inscripcion
E subsidio cu SKOA ta ricibi for di gobierno ta mara na e normsubsidie cu ta wordo aplica di
mesun manera pa scol publico como tambe pa scol particular cu ta ricibi subsidio, manera SKOA
y SPCOA. SKOA a splica cu esaki ta locual nos constitucion ta defini como norma financiero
igual.