Page 14 - solo29apr

Pagina 14 Diasabra 29 April 2017

E grandioso Bingo di Rupi Rupi a surpasa tur espectativa cu
mas di Fl.5 mil florin na premio en efectivo!

Tur diasabra e Bingo
popular Free Bingo cu ta
wordo transmiti atraves
di Top 95 ta causando
impacto cerca grandi y
chiquito. Liesenny y Lionel
Croes tin Aruba riba bao
cu nan bingo.

Tur diasabra Free Bingo
conhuntamente cu
Stellaris Casino ta trece
algo diferente y alegria
cerca su clientenan y
pueblo en general. Busca
bo Solo di Pueblo awe
y segura bo kaarchi di
bingo y cu e oportunidad
pa gana Fl.500,= den 50
yamada, hungando bingo
atraves di radio. Tambe
Stellaris Casino a caba
di pone e cherry ariba e
bolo di bingo na tur esnan
cu bin Stellaris Casino y
cumpra e bingo pa Fl.2,= y
pa asina aki bo por hinga
pa gana mas di 5 mil florin
cash!

Sintoniza Top FM 95.1
awe mainta pa 9:00 am cu
Liesenny y Lionel Croes
y na studionan di Top 95
DJ Strongolo. Cumpra
bo corant trempan y bin
Stellaris Casino tambe pa
hinga bingo!

Na Madiki Kavel:

Un dama chauffeur a bay reverse y a dal den un otro
auto staciona su tras

Diamars mainta a drenta
informe di un accidente
na Madiki Kavel banda di
Reyes Body Shop. Mesora a
dirigi un patruya pa e sitio.
Na yegada di e patruya a bin
compronde cu aki ta trata di
un accidente unda e dama
chauffeur di e SUV, Toyota
Prado a bay reverse pero
no a pone mucho atencion
y a bay dal riba un Honda
cu tabata staciona su tras.
Afortunadamente ningun
hende a resulta herida.