Page 42 - MIN VOS

Segun Sr. Lioe – A – Tjam su persona no ta participa na un certamen di beyesa.
Pasobra cu e no mester bay bisa pueblo con bunita e ta. Un debate ta, un
discusion ariba issuenan. Di dos punto ta, cu ora cu wak e temanan durante e

debate, tabata puntonan di Camara di Comercio. Casi ningun partido a presenta
un plan.

E debate tabata un simpel ripiticion di cierto zetnan cu a wordo tuma den

pasado y esaki tabata crea un plataforma pa un cierto partido y nan
simpatisantenan. Partido ABO a dicidi cu nan ta participa den e debate den Cas

di Cultura.

Pa partido ABO presenta den e di dos debate di Camara di Comercio, e no

mester ta un certamen di beyesa. Sr. Lioe- A – Tjam no ta core pa ningun
debate y pa ningun confrontacion. Ora cu ta organisa un debate, pa trece

conscientisacion pa pueblo, cu prijsnan na 200 florin, no ta tur hende por paga
e prijs. Esey ta algo inhumano y anti- social. Si kier pa e pueblo participa,

mester organisa algo pa pueblo participa. Sr. Lioe – A – Tjam a finalisa bisando,
cu nan no tin miedo di debati. Den politica tin biaha mester para pa bo posicion

y defend’e. P’esey, segun Sr. Lioe- A – Tjam, partido ABO ta e diferencia.