Page 44 - KPA

1. “Hemodialyse”
2. “Peritoneale dialyse” (PD).

Hemodialyse ta haci uzo di un filter cu ta funciona manera un riñon artificial e asina yama
“Dialyzer”. E filter ta conecta na un mashin y e ta haci uzo di dos slang cual ta conecta na bo curpa.

Tin un slang na cada banda di e filter. E prome slang ta chupa e sanger for di bo curpa y a pasa esaki
door di e filter, cual ta saca tur sushi, extra awa y salo for di bo sanger. E sanger cual a bira limpi

awo ta pasa door di e di dos slang, cual ta conecta na e otro banda di e filter, bek pa bo curpa. E
mashin di Hemodialyse ta monitor e fluho di sanger y e ta saca sushi y extra awa for di e filter.
Hemodialyse ta un tratamento cu ta tuma luga na un Centro di Dialyse pa por lo menos 3 biaha pa

siman durante 3 pa 4 ora largo.

Prome cu haci e Peritoneale dialyse (PD) ta necesario pa laga pone un catheter, cual ta un tubo fini di
plastic. Durante PD ta hinca un likido bou di e nomber di ‘dialysis solution’ via e catheter den e

bariga. E likido ta chupa tur sushi for di e sanger. Despues di algun ora ta laga e likido sali via e
catheter den un otro saco.

E pashent por haci PD su mes na su cas den cual e ta ripiti e proceso mas o menos 4 biaha pa dia. Un
rekisito di PD ta cu, e luga unda a haci e tratamento aki mester ta hygienico y hopi limpi na tur

momento. Den caso cu esaki no ta e caso, e pashent lo por core e riesgo di haya un infeccion.

Tin e opcion pa haci e tratamento aki parti anochi. Ta haci uzo di un mashin cu ta yena y saco e
likido durante cu e pashent ta drumi. E tratamento di PD por ta un poco incomodo pa e pashent, pero

e ta brinda bo e libertad pa scoge na ki momento lo bo kier dialysa. Di e manera aki tin e libertad pa
planea bo dia segun bo ta desea.

Post Views: 5
 Facebook
 Twitter
 Google+
 Pinterest
 LinkedIn