Page 9 - KPA

AWEMainta Diamars, 26 September 2017 5

Pilotonan di Avianca ta welga

AZV ta regla

charter pa su

aseguradonan

E pilotonan di e compania di aviacion Colombiano
Avianca ta bezig ta welga. Esaki tin consecuencianan
p’e aseguradonan di AZV cu tin cu bay Colombia pa
cuido medico y pa aseguradonan cu mester bin bek
Aruba despues di nan tratamento.

Actualmente AZV ta solucionando e problema dor
di charter un avion pa su aseguradonan.

AZV tin contacto cu e pashentnan cu mester a
bay weekend pasa y personanan cu tin cita e siman
aki pa informa nan kico ta e consecuencia pa nan.

For di diadomingo ultimo

Secretaria

di Minister

Paul Croes laga

den libertad

FOR di diadomingo ultimo, Ministerio Publico a
haya cu no tin motibo mas pa Secretaria di Paul
Croes, Selma Arends sigui deteni den e caso di IBIS.
Pasobra el a duna tur su cooperacion.

Selma Arends tabata

deteni for di dia 29 di augustus

ultimo y manera menciona

for di diadomingo ultimo a

ser laga den libertad.

Te cu awe tin 4 persona deteni y nan ta Paul Croes,
su fotografo, Presidente di su Fundacion, Giovanni
Capriles, su chofer, Roque Aparicio y sra. di Gaby
Werleman, Nicosca Nuñez, kende porcierto lo pre-
senta un biaha mas dilanti di Huez Comisario.

Ta reina e posibilidad cu e por wordo laga liber awe,
si no tin motibo mas pa prolonga su detencion. E ta
deteni for di dia 5 di september ultimo