Page 50 - KPA JUNE 9

Arubus cu a accidenta movi di e crusada, e
chauffeur Duinkerk lo a bira malo tras di
stuur

Date: June 09, 2015
in: Local
Leave a comment
4 Views

Diamars mainta e crusada di Alhambra a wordo sera un parti, pa asina trabou nan pa move e bus
accidenta for di e baranca nan.
Ta asina cu dialuna anochi laat e chauffeur Jeffrey Duinkerk lo a bira malo tras di stuur ,
yegando e crusada ta kita na su man drechi y subi e baranca nan. Den e bus tabata tin entre 10 pa
20 persona aparentemente. Duinkerk ta fayece na e sitio.
Ayeranochi despues di e accidente no por a move e bus, y asina a opta pa traha un plan pa move
den oranan trempan di mainta. Nos tin entendi cu dos patruya probablemente lo a haya ordo pa
keda henter marduga caminda e bus tabata.
Den ora nan di mainta e area a wordo sera pa asina un heavy equipment di e compania Albo por
a cuminsa cu trabounan pa lanta e bus y pone ariba un trekker.
Brandweer tambe tabata ariba un stand by na e sitio, si mester drenta den accion.
Na e sitio nos por a wak ehecutivo nan di Arubus conbersando ariba loke a pasa.
Nos no ta na altura si e bus lo bay wordo transporta pa un sitio caminda lo bay haci investigación
di kiko mas lo por a sucede e dialuna anochi ey.
Ariba e combinacion di potretnan bo por haya un bista di e trabounan cu a tuma luga.