Page 13 - AM201111

Diaranson, 11 November 2020 AWEMainta 13

Parlamentario Alan Howell (POR) a felicita Aruba

Adventist Academy cu apertura di nan scol

Parlamentario Alan Howell tabata presente dialuna mainta

na apertura di Aruba Adventist Academy na San Nicolas,
cual a cuminsa oficialmente cu un total di 200 alumno. Le-

snan cu ta wordo duna ta bay pa muchanan for di kleuter te
educacion secundario.
Gobierno hunto cu Soaza, cu t’e fundacion di iglesia Adven-

tista a crea e oportunidad aki den cual e muchahan por sigui
un educacion sea na Hulandes, Ingles of Spaño.
Di e forma aki e ta bira e prome scol na Spaño na Aruba cual

ta specialmente designa p’e muchanan migrante. Muchanan
lo haya nan i-pad for di cual nan por sigui nan programa es-
colar bou guia di e maestronan eynan.

Alan Howell ta considera e scol aki uno special teniendo na

cuenta cu e ta brinda e oportunidad n’e muchanan cu ta bin
di otro paisnan y cu no ta domina e Hulandes ora nan yega
Aruba, pa sigui nan les na Ingles of Spaño. Asina ta evita cu

nan cay atras den nan studio, pasobra nan no por incorpora
di biaha den e sistema escolar di Aruba.

Howell por a scucha for di e Presidente di e fundacion du-
rante su discurso cu Minister Rudy Lampe tabata un gran
ayudo pa por a logra e gran vision aki na bienestar di mucha

y hoben.

No por keda sin menciona otro punto hopi importante pa How-

ell, esta cu enseñansa di Dios ta central n’e scol aki.
Parlamentario di POR ta felicta directiva di Aruba Adventist
Academy y Gobierno cu e gran oportunidad aki cu ta brin-

dando e muchanan pa por sigui cu nan estudio y desaroya nan
mes n’e mihor manera posibel den futuro. E ta confia cu den-

tro di poco, e scol aki lo por tin oportunidad di expande y asina
brinda mas mucha e posibilidad di sigui nan estudio den e
diferente indiomanan cu Aruba Adventist Academy ta ofrece.
“Let’s build more schools and less prisons”.