Page 7 - KPA 9 MAART 2016

Polis a atende cu famia rabia cu a baha di auto y ataka y
causa daño na un taxista su auto

Tuesday, 08 March 2016 08:32
Tweet
Comparti

Dialuna anochi mas of menos 9:10 un taxista a yama polis pa un experiencia desagradabel. E taxista a
conta cu e tabata saliendo for di e parkinglot na Wendy's Palm Beach.

Ora e tabata purba subi caminda pa e bai para na e lus di trafico el a wak un espacio anto el a probecha di
esaki. Pero ora cu el a haci esaki e no a cay den bon tera pa un otro automobilista den un Dodge Caravan
cu a warda te ora e taxista a rondona cu auto pa nan sere. E chauffeur di e Dodge y hoben masculino a
baha for di auto y a bai haci fastioso cu e taxista. Nan a papia tur sorto di cos vulgar cu e taxista y a hasta
dal su auto cu scop causando algun deuk chikito. E taxista un tiki spanta y sin sa e motibo di esaki a
pensa na prome instante cu e lo ta un atraco contra di su persona pero esaki no tabata asina. Mesora
polis a wordo yama y eynan a cuminsa busca pa e Dodge Caravan.

Despues di 15 minuut a señala e Caravan den Parkinglot di Renaissance Marketplace y eynan polis a bai
papia cu e hendenan. Cu polis a wordo yama tampoco a cay den bon tera pa e personanan den e Caravan
y pa un rato cortico a surgi un discusion. E motibo exacto pakiko nan lo reacciona asina no ta
completamente conoci. Polis a papia cu e partidonan envolvi y nan cu nan a yega na un areglo pa cubri e
daño material ocasiona.