Page 7 - 21di_March_di_20221

Dialuna, 21 di Maart 2022|7

Asesinato of no

Diabierna ultimo pa 7:55 mainta Central di Polis a wor-
do notifica cu lo mester tin un hende homber drumi banda di
caminda na altura di Santana di Zeewijk.
Patruya di San Nicolas ta wordo despacha di biaha n’e sitio di
e sucedido. Na yegada enberdad patruya ta topa cu un hende
homber di edad cu no ta duna señal di bida.
Central di Polis ta notifica Recherche como tambe Polis Tec-
nico y Slachtofferhulp. Dr.Texier a yega n’e sitio y pa 8:55am
a constata morto di e hende homber fam A. E caso ta bao
investigacion pa por saca afo kico por ta e causa di e morto.
E curpa di e fayecido a wordo tuma den beslag pa mas inves-
tigacion. E homber tabata drumi den un posicion no normal,
tambe por a nota cu e homber aki di edad halto tabatin gol-
pinan na cara. No por deduci cu si esaki a sosode ora cu el a
cay. Segun informacion oficial, instancianan concerni a wordo
notifica, manera Polis Forensico y tambe Recherche. E area
a wordo cera cu lint pa por a haci un investigacion. Dokter
Texier a presenta pa por a constata morto di e homber di fam
A(entre 70 cu 80 aña), pero asina mes a keda algun vraagte-
kens y pa e motibo aki tuma e curpa den beslag. Esaki a ser
tuma principalmente door di e posicion cu e curpa a ser haya.
Autopsia lo determina si ta trata di un crimen of morto na-
tural. Cuerpo Policial ta manda palabra di condolencia na
famia di e fayecido.