Page 26 - AHATA

Loke ta trata e refineria, desde añanan ’50 hopi proceso a wordo automatisa y mester
menos forsa laboral pa traha.

Cu e reapertura di e refineria na aña ’89 e no a duna San Nicolas e boost economico cu
tabata mester di dje. Y asina nos por wak cu poco poco, hopi habitante vooral jong a
cuminsa bandona San Nicolas p’asina establece nan mes den area di Noord/Paradera.
Esaki ta visible tambe den e cayanan di San Nicolas.

Secrets Baby Beach cu su 600 kamber lo ta bon pa minimo 1800 cupo di trabou. Awor cu
e ta drenta den su fase di construction, esaki lo atrae trahadornan p’e area. E trahadornan
aki mester por come y bebe. Esaki sigur lo atrae tambe lugarnan di cuminda y lugarnan
cu lo bende refreshment.

Actualmente den e area di Colony nos no conoce un supermarket. E unico cu ta estableci
den e area aki ta Lago Heights Food Center.

Actualmente Citgo ta sera y honestamente bisa, loke ta refineria a conoce su epoca cu a
pasa. Secrets Baby Beach lo sa di bay genera entrada pa Gobierno cu lo por compensa e
perdida di un refineria.

Famianan cu a lanta na San Nicolas o yiunan cu a bay establece otro parti di Aruba lo sa
di bin bek San Nicolas pa traha. Secrets Baby Beach lo sa di atrae diferente tipo di
negoshi o actividad recreativo. Y esaki nos ta wak tambe den e proyecto di
embeyecimento di Baby Beach area. Finalisando e miembro di POR, Anchelino Vrolijk
mester bisa e pueblo di San Nicolas PABIEN, paso loke e proyecto aki lo trece cune ta
uno di un magnitud enorme pa un area cu pa decadanan a conoce unicamente decadencia.

Awor San Nicolas lo conoce un epoca nobo y un desaroyo economico cu nos por ta
orguyoso riba dje.