Page 65 - AHATA

Parlamentario Shailiny Tromp Lee

contento cu e ley di plastic y

productonan dañino a pasa

19 November, 2019

Parlamentario Shailiny Tromp Lee di partido MEP den un entrevista a duna di
conoce cu e ta contento cu e ley di plastic a keda aproba pa tur esnan den
parlamento y un ley cu nos a bin ta anticipando riba dje y tin cu felicidad
minister Otmar Oduber y full su staaf y Gabinete cu a sostene esaki.

El a bira un realidad unda esaki a keda aproba y dicon e ta asina importante ta
e hecho cu e ley aki tin un rol preventivo caminda lo bay bira un estimulo pa
nos cuide y protehe. E ley ta ensera no solamente importacion pero mas bien e
parti di benta y distribucion y hasta duna esaki gratis, full un pakete garantisa y
elimina acorto plaso e uso di plasticnan di uso di un biaha cu ta hopi importante
no solamente cu e ta susha nos medio ambiente y nos naturalesa pero e tin un
impacto negativo pa nos bida di riba tera y lama. Otro parti di e ley cu
parlamentario Shailiny Tromp Lee ta haya importante ta elimina uso di cierto
productonan cu ta contene cierto kimico anto esei ta hopi importante pasobra
investigacion cientifico ta demostra cu e parti di productonan cu ta pa antisolar
ta hopi dañino cu ta trata di nos bida marino di coral y un caminda nos tin cu
cuminsa y awe e ley aki ta un inicio pa duna proteccion na nos medio ambiente
y naturalesa

https://masnoticia.com/parlamentario-shailiny-tromp-lee-contento-cu-e-ley-di-plastic-y-esnan-danino-
a-pasa/