Page 5 - MIN ON

ricibi 120 florin pa mucha pa schoolgeld. Sinembargo e suma aki no ta un suma
cu por cubri sikiera pa uniforma di scol. Robin-Ann Dider di Partido P.O.R , E
Forsa Nobo ta kere cu ta importante pa tene cuenta cu e partinan aki mirando

cu e debenan pa un mucha bay scol dependiendo e edad ta core entre 400 florin
pa 1100 florin.

Esaki ta un situacion cu mester atende cu ne. Ta importante pa por traha un
plan di aanpak y combersa cu cada un di e persona nan aki y sa kico ta loke

nan kier logra den bida pa nan mes y pa nan yiunan y mescos cu gobierno ta
yuda nan cu placa fin di luna pa nan por biba, tambe gobierno por haci un

esfuerso pa yuda nan haya e animo y e confiansa cu nan tambe por desaroya y
crece personalmente pa hiba nan mes y nan famia padilanti. Partido P.O.R ta
kere cu tur hende cu tin deseo di progresa POR yega na metanan y soñonan

grandi. Loke cu tambe ta hopi importante ta pa Departamento di Asuntonan
Social cuminsa haci diferente cursonan basico manera cushina, pedicure,

manicure salon di beyesa, siña traha bolo, snacks, obranan di man, pinta etc
etc.

Asina aki tambe ta promove cuponan di trabao pero alabes ta promove
crecemento economico di pais Aruba. Na momento cu esnan cu ta cobra

onderstand encontra nan mes y stima loke nan ta haci y por crea un entrada y
of lo a haya trabao na un di e luganan cu ta eherce e trabao di loke nan a haya
curso di dje e persona ta drenta bek den e mercado laboral y su estilo di bida lo

subi positivamente unda cu poco poco lo bira independiente y sigui padilanti.
Partido P.O.R , E Plataforma Forsa Nobo tin den su plan di accion puntonan

positivo cu kier drecha den mundo social pa nos hendenan cu mester di e
sosten . Riba 22 di September un y tur tin e derecho pa scoge un maneho nobo

pa pais Aruba. Haci bon uzo di esaki y scoge pa un cambio. Hunto nos por logra
esaki