Page 69 - MIN ON

Rancho ta haciendo pa basta tempo caba. Di banda di Biblioteca Nacional nan
por aporta door di haci itemsnan, documenta e eventonan, e proceso historico
cu Fundacion Rancho ta bezig ta investigando. Y asina tambe, den nomber di

Biblioteca Nacional, duna Fundacion Rancho, na Sr. Clifford Rosa y tambe
Josmar cu e tremendo y excelente trabao cu nan ta haciendo pa cultiva, pa

rescata, aunke rescata no ta un bon palabra, ya cu e ta un palabra dinamico.
Pero nan ta purba di conscientisa e hendenan, e pueblo, di e importancia di nos

historia.

Pa conserva e historia, bo mester di haci investigacion. Ta imporante, segun Sr.
Oduber, pa tin un ekipo no solamente tecnico pero di investigadonan, cu ta
hambra eigenlijk pa bay den buki pa haya e informacion cu tin of te hasta, den

e caso cu no tin, e ora automaticamente, por ehempel, ora cu ta traha un
documentario basa ariba historia, bo tin cu purba di rescata e informacion cu tin

den e persona mes. E persona cu ta bibo. Esey ta un di e tacticanan importante,
den e caso di Fundacion Rancho, conhuntamente cu Biblioteca, cu ta purba di

documenta, papia cu nan, grabanan, pa e informacion, ta graba. Claro cu lo kier
haci den e calidad maximo, pero aki, 10 pa 20 aña cu ainda e investigador

academico of alumno di cualkier scol kier haci un documentario of un scriptie, e
lo por haya e material ey tambe. E ora lo kier bay over na digitalisacion y con
bo ta yega na informacion. Dus ora ta buscando ora di etnica Wayuu of e

Arawak, bo ta wak cu Fundacion Rancho a bay Rio Huacha, tres biaha cu a
wordo documenta, cu e informacion t’ey, cu tin e entrevista cu e Wayynan, cu

por wordo hinca den un documentario of un scriptie, segun Sr. Ryan Oduber, di
Biblioteca Nacional.