Page 3 - AM260502

Diamars, 2 Mei 2023 AWEMainta
Gobierno ta imitando ‘Sinterklaas’
tur luna cu medidanan nobo
yera a drenta na vigor un biaha mas, e ley di parkeerme-
Aters den Oranjestad, caminda tur hende cu kier stacio-
na auto den centro di Oranjestad, tin cu paga pa e periodo
cu nan tin cu uza e espacio marca cu liña blanco. Gabinete
Wever Croes tin un ansha pa haya mas placa for di pueblo y
a pesar cu e mesun gobierno aki no ta aliviando e situacion
pa esunnan di menos entrada, ta mesun pueblo aki ta wordo
castiga cu e tipo di medidanan aki.
Manera Minister Ursell Arends a confirma, for di ayera tin
cu paga pa staciona auto den centro di Oranjestad pero pa
confirma e “ansha pa placa” di gobierno aki, ta e hecho cu
mientras cu ta exigi pa pueblo paga pa staciona nan auto, e
mashinnan na cual tin cu paga pa esaki, un gran parti ainda
ta for di funcion y ningun hende sa kico tin cu haci.
Lo ta exigi di doñonan di auto pa busca un mashin cu si
ta trahando pa asina confirma cu nan por staciona auto of
esunnan cu haci uzo di e sectornan cu no tin mashin pa paga
lo ta ricibi un multa for di Aruparking?
No tin claridad y un biaha mas gobierno ta bruhando pueblo
formalmente den su ansha pa ranca miyones for di un pueblo
cu ya a duna miyones di florin caba na mesun gobierno aki.
Gabinete Wever Croes a converti su mes den un tipo di
‘Sinterklaas” cu no ta celebra “pakjesavond” den un solo
luna pa aña, al contrario e gobierno aki ta cada pasa un of
dos luna, ta duna pueblo otro regalo den forma di medida
tras di medida.
E luna aki ta caminda pueblo tin cu cuminsa paga pa staciona
auto den Oranjestad, aki un luna pueblo tin cu cuminsa
paga extra riba loke nan cumpra ya cu e decision di gabi-
nete Wever Croes pa haya 40 miyon cu BBO na frontera, ta
drenta na vigor.
Tin algun sirbido di gobierno den Parlamento, cu ta pretende
cu e medida aki lo no afecta cartera di pueblo, loke ta mustra
formalmente un falta di nocion di realidad di bida, ya cu si ta
comerciantenan tin cu paga e 40 miyon aki, e comercian-
tenan aki logicamente kier saca e placa aki bek un caminda
y ta pueblo ta esun cu tin cu paga esaki eventualmente.
Siman pasa gobierno a mustra bon cla ora cu a atende
un reunion riba pobresa, caminda tin 55 mil hende segun
cifranan di Centraal Bureau Statistiek, cu ta bibando bou di
e ‘bestaandsminimum’ incluso mas cu 20 mil pensionado,
loke ta hopi cruel caba.
LOCAL 3
Ningun decision a cay den e reunion di dialuna siman pasa,
un reunion cu a bira un reunion politico di parti di gobierno
y e dos fraccionnan cu ta sostene gobierno den Parlamento
caminda ningun di nan a presenta algo cu por alivia e situa-
cion di esunnan den mas necesidad.
Pa algun tempo caba mescos cu Sinterklaas, gabinete Wever
Croes a bin ta partiendo regalo pa pueblo, afectando prin-
cipalmente e clase media y esunnan di entrada hopi abou.
Por menciona aumento di gasolin, aumento di prijs di awa
y electricidad, aumento di BBO cu un porciento, aumento
di grondbelasting, combina cu medidanan den e sector
medico, caminda mester a reduci gastonan di AZV cu 60
miyon pa aña.
Ayera Aruparking por cuminsa cobra, aki algun siman lo bira
oficial BBO na frontera y dentro di algun luna, mayornan
tin cu paga un aumento considerabel di placa pa scol y
adicional, un grupo grandi tin cu cumpra laptop pa nan
yiunan pa atende scol.
Pa colmo ainda gabinete Wever Croes tin cu introduci e
famoso BTW cu ta na caminda, pues alivio financiero pa
pueblo, lo no tin mas cu e actual gobierno, caminda den un
forma bergonsoso, ta ridiculisa e pueblo cu gobierno tin cu
sirbi.
E caso di aumento di prijs di awa y coriente cu mas cu 34%
tabata teribel y pa awor un Minister bin dilanti pretende cu
a logra un reduccion di 7% como si fuera cu esaki ta algo
grandi, sabiendo cu ainda gobierno debe pueblo un reduc-
cion di 27% riba prijs di awa y coriente.
Pero ta asina e Sinterklaas Gabinete Wever Croes ta traha,
ya cu su regalonan ta di kita for di pueblo y no duna pueblo
nada a cambio.