Page 6 - HOH 4 DEC 2015
P. 6
AWEMainta Diabierna, 04 December 2015 15
Corsou a conoce su di 16 WILLEMSTAD - Diahuebs 3
morto den trafico
di decèmber 2015, alrededor
di 11.35’or di mainta Central di
Polis a dirigí un unidad policial
na Kent U Zelf na altura di Caya
Ekaliath pa un accidente di tráfico
cu herido.
Na yegada di e patruya nan a
topa cu chofer di e motosaikel,
drumí banda di su motosaikel den
mondi cant’i caminda.
E tabatin múltiple lesion na su
curpa y tabata keha di dolor.
Ambulance cu a presentá n’e
sitio a duna e víctima promé
asistencia, pero despues di un
rato e víctima a bin fayecé n’e
sitio. For di un investigacion
preliminar cu Polis a realisá n’e
sitio a resultá cu e víctima tabata
core cu su motosaikel riba e
caminda Kent U Zelf y yegando
na Caya Ekaliath el a bay dal
den banda patras di un pick-up
cu tabata saliendo for di Caya
Ekaliath pa subi Caya Kent U Zelf.
Dor di e impacto aki e motosaikel
a sigui slip bay dal den un bòrchi
di propaganda cant’i caminda
pa despues bay resultá den un
mondi.
Dòkter di Polis a constatá morto
di e hòmber, Aaron Gregory
Alfonso Ignacio, naci na Còrsou,
1 di novèmber 1976 (39 aña).
El a bira e di 16 morto di tráfico.
Departamento di Tráfico ta
continuá cu e investigacion.
(Foto ta di cortesia Strea Luz
Productions)
