Page 18 - FUND LOTTO

Deporte Diamars 21 November 2017
A21

Presidente di ARTBO ta relata tocante

Taekwondo Challenge

ORANJESTAD - Recientemente a tuma luga Best of
the Best Taekwondo Challenge y Guaicaipuro Jimenez,
presidente di ARTBO ta relata tocante e evento na
unda cu 9 pais a participa.

“E aña aki nos por bisa cu Best of the Best tabata e miho y
mas grandi evento di 2017. Best of the Best tabata tin camp
training duna pa nos atleta Olimpico Monica
Pimentel y e Koreano Mericano Suwon Kim”, asina sr.
Jimenez ta relata. Best of the Best Taekwondo Challenge a
cuminsa mainta y a sigui anochi pafo y a haci un impacto
grandi riba tur e bringadonan Internacional cu a bringa den
aire liber.

“E website www.mundotaekwondo.com a promove Best of
the Best y Aruba hopi, y asina a pone cu e paisnan cu a bin
Aruba ta paisnan cu bringadonan di caliber. Aruba a
resalta hopi y a mustra cu nos ta creciendo cu stapnan grandi.
Taekwondo a crece hopi den e ultimo añanan na Aruba, esaki
ta danki na tur e esfuersonan cu nos ta haci
pa nos atletanan por competi na eventonan manera G1 y G2.
Aruba Taekwondo Bond ta trahando den breedte-sport, cu
plannan serio pa 2020 y 2024 y cu vision grandi.”