Page 7 - WEB
P. 7
Alan Howell, Parlamentario di POR durante tratamento di presupuesto a presenta un mocion pa baha
prijs di awa y coriente.
El a bisa cu e prijs di awa y coriente ta algo cu ta preta e saco di nos ciudadanonan y den un
conversacion cu Gobierno, Fraccion di POR a alertanan cu durante tratamento di presupuesto e
fraccion blauw lo bin cu un mocion pa reduci e prijs di awa y coriente. E dictum di e mocion ta bisa:
ta urgi Gobierno pa reduci cu un porcentahe significativo cu por wordo sinti den cartera di nos
pueblo, e prijs di awa y coriente na Aruba den e menor termino posibel y no mas tarda cu juli 2018.
Howell a indica cu conociendo cu Prome Minister tin hende central, Fraccion di POR no ta duda cu e
mocion lo wordo ehecuta.
Otro mocion presenta pa Fraccion di POR ta relaciona cu e boet cu mester wordo paga na Setar ora
no paga e recibo na ora. E boet aki ta entre 15 pa 17,50 Florin. Mirando cu ta bin ahustacion den e
proximo lunanan, ta urgi Gobierno pa mira e posibilidad pa reduci e boet cu Setar N.V. ta cobra su
clientenan na momento cu paga laat.
“Nos ta conta riba Prome Minister pa yuda alivia nos pueblo cu esaki”, Howell a bisa.
