Page 3 - MC DONALDS

AWEMainta Diahuebs, 22 Juni 2017 21

McDonald’s y COA a haya participacion di mas di 400 mucha

Olympic Kids Run 2017 tabata exitoso

DIASABRA 17 di juni ultimo den oranan di mainta a tuma

lugar e Olympic Kids Run di e Olympic Celebration Day 2017.
Mas di 400 mucha a inscribi na nan scol pa por a participa. Mc-
Donald’s y COA tabata sumamente contento di mira e cantidad
di participacion y di por a contribui n’e dia aki.
Durante e Olympic Kids Run a separa e muchanan muher y e
muchanan homber, unda cu e muchanan a competi contra otro.
Muchanan a pasa un momento agradabel, aunke cu un rato awa
a cay esey no a stroba nan pa competi.
Na final den e diferente categorianan a saca ganadonan. McDon-
ald’s y COA ta sumamente contento di mira cu e Olympic Kids
Run tabata exitoso y cu un cantidad grandi di mucha a participa.

Diaranson ultimo, e Olympic 5k Fun Run/Walk a keda posponi
pa motibo di mal tempo y e lo tuma lugar diaranzon 28 di juni
proximo. E Olympic 5k Fun Run/Walk lo tuma lugar na Linear
Park, unda cu por haya T-shirt cuminsando pa 5:00 PM, mien-
tras cu pa 6:00 PM e evento lo cuminsa. Esnan cu kier participa
den e Olympic Day 5k Fun Run/Walk por inscribi na IBiSA of
na Start riba e mesun dia aki.

Desde 2012 Arcos Dorado ta un sponsor di e Olympic Day y ta
haci esaki hunto COA, unda ta promove cu movecion ta hopi
importante den bida diario di tur hende.
Nan aportacion ta pa cubri e T-shirt oficial di e evento, pone
disponibel logo’s, banners y otro Promotional Items.
McDonald’s, COA IBiSA y scolnan ta invita tur mucha pa
participa den e Olympic Kids Run, pero tambe ta invita Aruba
general pa participa den e Olympic Day 5k Fun Run/Walk.