Page 32 - MIN ECEM

Ley pa paga Pensionadonan di SETAR rumbo pa Parlamento

Friday, 09 June 2017 21:07
Comparti

Awe e ley cu ta autorisa Minister di Asuntonan Economico y Comunicacion pa efectua e pago na ex-
empleadonan di SETAR a sali rumbo pa Parlamento.
“Cu hopi satisfaccion ami cu mi coleganan di Finanzas y Husticia a firma e documentonan cu ta haci
posibel pa inicia tratamento di e ley den Parlamento,” Minister Arends encarga cu Telecomunicacion a
anuncia. “Pa hopi di e pensionadonan un procedura legal cu a dura mas cu 13 aña ta yegando su punto
culminante.”
For di cuminsamento di aña Gobierno a prepara e proyecto di ley cu ta autorisa Gobierno pa efectua e
pagonan na pensionadonan. “Despues cu e proceso legislativo a inicia, e proyeco di ley a bay Raad van
Advies y via Gabinete di Gobernador bek pa Gobierno. “Asina cu e conseho di Raad van Advies tabata
den nos man, nos a traha diligentemente pa prepara Gobierno su reaccion. Awe nos por mira un
compromiso mas di Gabinete Mike Eman II birando realidad,” Minister Arends a sigui bisa.
Na momento cu a independisa Servicio di Telecomunicacion di Aruba na aña 2003 mas cu 90 empleado
a haci uzo di e afvloeiingsregeling den un plan social combeni durante e transicion pa SETAR N.V. E
mesun tempo a surgi un disputa entre e ex-empleadonan, sindicatonan y Pais Aruba cu a causa hopi
iritacion, frustracion y indignacion cerca e ex-empleadonan di Servicio di Telecomunicacion di Aruba.

Despues cu hues a dicta na fabor di un grupo di ex-empleado, Minister-President Eman y Minister de
Meza, hunto cu sindicato SEPPA y Gobierno di Aruba a tuma e decision di principio cu lo paga tur ex-
empleado cu a haci uzo di e afvloeiingsregeling bou di e mesun condicionnan. Ta trata aki di un suma
cuantioso di mas di 4 miyon florin.

Comentarionan (0)

Mustra/Kita comentarionan

http://www.24ora.com/index.php?option=com_content&view=article&id=122798:ley-pa-paga-
pensionadonan-di-setar-rumbo-pa-parlamento&catid=12:politica&Itemid=18

Minister Richard Arends: Ley Pa Paga
Pensionadonan Di SETAR Rumbo Pa Parlamento

 Politica
- 09/06/2017