Page 13 - bon-dia-aruba-20220303

a13
riba caya Diahuebs 3 Maart 2022

Chauffeur di Hit & run a keda deteni na Rooi Afo

Diamars ultimo den oranan di atardi riba e caminda di Rooi Afo un polis na civil a logra di
sigui un Hyundai Getz blanco A-61124 kibra despues di a comete un hit & run otro caminda.
Na Rooi Afo e famia a lanta cu e oficial y aki varios unidad a presenta di biaha na e cas y a bay
over na detencion di e dama y a confisca e auto pa trafico haci nan investigacion.

Bon cooperacion entre camber di radar

di Cuerpo Polis Aruba y Wardacosta di

Caribe Hulandes

Ayera 2 di maart ront di 00:00 ora camber di
radar di Cuerpo Polis Aruba (CPA) a meld un
contacto riba radar den area oeste di Aruba.
Mesora a notifica Wardacosta, cu mesora a saca
un Metal Shark pa bay intercepta e boto. Rond
di 00.30 a intercepta un lancha cu 11 persona
indocumenta abordo, di cual 10 persona
masculino y 1 femenino. Wardacosta a trece e
lancha paden, y a detene e capitan y su ayudante
pa traficacion di hende. E dos personanan aki
a wordo pasa pa e Unidad di Traficacion di
Hende di CPA pa mas investigacion. E demas 9
personanan a wordo traslada pa Warda nos Costa.
Mester remarca cu e caso aki ta resultado di bon
cooperacion entre cuerponan di Wardacosta,
Cuerpo Polis di Aruba y Warda nos Costa.