Page 86 - MIN JUS

Reconstruccion caso tiramento na Cas di Pueblo na Noord

Wednesday, 14 June 2017 20:48
Comparti

Na e casnan di pueblo na Noord a mira presencia di basta Polis y tambe representantenan di Ministerio Publico.

Nan presencia tabata relaciona cu unj reconstruccion cu a tuma lugar. Algun luna pasa tabata tin un caso di
tiramento unda a los tiro riba hende na e cas unda e reconstruccion a tuma lugar. Esnan cu tabata na e cas ta
acusa un tal Macamba biba den casnan di pueblo di a los tiro. Den e caso aki a detene e Macamba aki despues di
algun tempo y ta sera te awe. Mirando cu e caso ta dia 16 di Juni a pone cu esnan cu mester atende e caso y e
abogado a pidi pa reconstrui e caso pa asina garantiza cu e testigonan cu ta acusa Macamba a mira realmente cu
a los tiro. A mira tiro den muraya y tiro riba porta di garage. Esnan na e cas ta insisti cu e sospechoso a tira y cu el
a lora e auto y basha bala. Na e cas unda a tira y caminda bala a bora tin mucha ta hunga semper. Ningun hende a
keda herida. Tabata tin hopi Polis y extra seguridad y hasta personal di CEA a trece Macamba na e sitio.