Page 18 - AWM 13JUNE2017
P. 18
18 AWEMainta Diamars, 13 Juni 2017
Organisa pa WannaGo Outdoors
La Cabana a tene un Dia di Team
Building pa Gerente y Supervisornan
LA Cabana Beach Resort & Casino recientemente a tene un Dia
di Team Building pa su gerente y supervisornan, sacando nan di e
resort pa un cambio di scenario y un dia completo di actividad.
E dia, organisa pa WannaGo Outdoors, a cuminsa ora cu un bus
a hiba nan for di e resort pa Mangel Halto, unda e grupo a wordo
dividi entre ekiponan y reta pa participa den varios ehercicio di team
building, cu e meta di yuda nan enfoca riba cooperacion, confiansa,
comunicacion, habilidadnan di liderasgo y diberticion.
E actividadnan di ekipo tabata diseña pa yuda e gerente y supervisor-
nan conoce otro un tiki mas mihor y desvela habilidad y talentonan
scondi, como tambe stimula comunicacion habri y transparente,
asina tambe aumentando confiansa.
Mientras cu nan a disfruta di e ehercicionan dibertido, e miembronan
di ekipo a refleha riba problemanan di comunicacion y procesonan
di feedback, yudando nan crece como un persona y como un ekipo,
y siñando nan tocante liderasgo fuerte.
Despues di a completa varios ehercicio y a anuncia e grupo ganador,
tur hende a wordo hiba pa De Palm Island, unda nan a disfruta di
un dushi lunch prome cu un tiki relahacion.
Nos portretnan ta mustra e grupo di Gerente y Supervisornan, disfru-
tando di un dushi dia, mientras cu nan a mehora nan habilidadnan
di trabou y personal.