Page 6 - AM240723

6 LOCAL AWEMainta Diamars, 23 Juli 2024

Otro siman lo habri caminda

Proyecto di revitalisacion di

Mainstreet na San Nicolas

ta den su fase final

E proyecto di revitalisacion di Mainstreet na San Nicolas ta alcansando
su fase final. Actualmente a completa e ponemento di e klinkernan den e

caya principal y actualmente ta trahando riba e instalacion di e klinkernan
den e areanan adhunto. Fuera di esey ta tumando luga e instalacion di e
kabelnan cu ta permiti e futuro ponemento di luz.

Cu e finalisacion di e actividadnan aki, e ekipo di trabao ta preparando pa
e apertura oficial di e caya. DOW a anuncia riba su pagina di Facebook cu
e inauguracion di e seccion di e caya ta programa pa otro siman dialuna,
dia 31 di juli 2024. Esaki lo ta un momento importante pa comunidad, ya

cu lo tuma luga e finalisacion di e mehoracion significativo aki den e infra-
structura urbano.

Ta invita un y tur, habitante y bishitante, pa bin celebra e revitalisacion aki

cu ta busca no solamente pa mehora e estetica di Mainstreet sino tambe
promove un ambiente mas sigur y acogedor pa tur.

Ta gradici e habitantenan di San Nicolas y e bishitantenan di Mainstreet pa

nan pasenshi y nan sosten durante transcurso di e proyecto aki cu ta un
esfuerso comunitario importante p’e culminacion di e resultado final aki.