Page 19 - MIN TTC 3 MAART 2016

Probablemente diabierna lo firma cu operador nobo pa Aura
Casino segun mediador cu a reuni cu gerencia di hotel

Wednesday, 02 March 2016 20:24
Tweet
Comparti

Anselmo Pontilius mediador di gobierno a bolbe reuni diaranzon cu esnan di Occidental. Aki a toca e
tema di Aura Casino cu ta sera y nan ta negociando pa firma cu un operador nobo. Diabierna
probablemente lo tin un reunion y aki lo firma.

Tin dos punto importante y ta con lo atende cu e salario retroactivo. Tin un parti importante tocante ki
dia e casino ta cuminsa opera. Diabierna tur partido ta na mesa. E trahadornan lo haya sa si tin salario y
ki dia nan tin salario. Tin preocupacion si e operador ta tuma tur hende. Legalmente e mester tuma tur
trahador segun mediador. FTA ta sigui di cerca tur cos. Mediador a reuni cu esnan di e hotel y presidente
di FTA ta keda den contacto cu nan. Tin dos problema aki segun mediador. Tin un doño di casino y
operador. Tin abogadonan tambe envolvi cu ta mira masha di cerca diferente desaroyo legal. Tur hende
tin responsabilidad financiero pa atende cune. Pa diabierna mester tin un contesta definitivo. E trahador
lo bisa si no tin acuerdo nifica cu no tin seriedad. E casino tabata sera caba prome cu tur loke a sosode
unda esun responsabel a bandona e casino. Si no tin deal mester sinta cu otro interesadonan segun
Anselmo Pontilius. Tabata tin cuater di cual esaki a keda te na ultimo como e mihor pa opera e casino.
Esaki lo tarda y tin varios cos cu ta hunga un rol grandi. No sa kiko partidonan ta pone na mesa. Tin
discusion unda tin un licencia y legalmente por perde esaki. E diferencia awendia ta cu tin un ley cu ta
obliga esun cu ta tuma over mantene nan mes na cierto responsabilidad. No tin cos mara na dje. E parti
pa resolve ta pa soluciona e problema un operador pa na sa ki dia nan ta cuminsa traha fisicamente.

http://www.24ora.com/local-mainmenu-5/105925-probablemente-diabierna-lo-firma-cu-operador-
nobo-pa-aura-casino-segun-mediador-cu-a-reuni-cu-gerencia-di-hotel