Page 19 - ttc jan 20,2016

Minister Otmar Oduber ta keda para riba su puntonan di atencion

Publication: Wednesday, 20 January 2016. Categoria: General

A yega na e punto cu presupuesto no ta wordo trata e siman aki mas!

ORANJESTAD(AAN)– A pesar cu ta reinando un silencio grandi den e crisis entre Minister
Otmar Oduber y Gabinete Mike Eman II, Diario a haya e informacion for di fuentenan fidedigno
cu keto bay Minister Oduber ta para firme pa e puntonan cu e la presenta na Gobernador y cu ta
exigi pa haya atencion urgente, manera entre otro e caos den husticia y situacion financiero di
nos isla.

Ta conoci cu diferente reunionnan a tuma luga, pero te ainda no tin luz den horizonte.
Fo’i momento cu Minister Oduber a bay na Gobernador e no a sinta den e reunionnan di
Conseho di Minister y a yega asina leu cu segun informacionnan tratamento di presupuesto 2016
no lo sigui e siman aki mirando cu Sr. Oduber lo a bisa cu e no ta firma e nota.

E posicion aki ta duna mas forsa na loke observadornan politico ta bisando y nos a publica
diasabra pasa. E posibilidad ta cada bes mas grandi cu Otmar Oduber lo por lanta un partido y
bin cu candidatonan fuerte riba e lista manera Marisol Lopez Tromp y Mervin Wyatt Ras,
convirtiendo su mes den e alternativa politico cu pueblo di Aruba ta bogando pe y cu lo por kibra
e dinastia di AVP/MEP cu ta existi for di nos Status Aparte.

Lo sigui e desaroyo aki di cerca pa mantene nos lectornan informa di cualkier desaroyo.

http://www.diario.aw/2016/01/minister-otmar-oduber-ta-keda-para-riba-su-puntonan-di-atencion/