Page 49 - ttc jan 20,2016
P. 49
AWEMainta Diaranson, 20 Januari 2016 3
Parlamento no por cuminsa trata presupuesto
Pasobra Minister
Otmar Oduber te
ainda no a firma
presupuesto
E siman aki, tabata intencion di Parlamento pa cuminsa cu tratamento di presupuesto 2016,
pero lo bira dificil, pasobra Minister Otmar Oduber no a firma esaki ainda. Di acuerdo cu
hendenan ayega na su persona, Minister Otmar Oduber lo no firma dicho presupuesto,
tanten cu no tin claridad riba su posicion.
Hopi ta mira esaki como un forma di parti di Otmar Oduber, pa pone presion riba Gabinete
Mike Eman pa sali for di e impasse.
For di dia cu Minister Otmar Oduber a bay Gobernador pa inform’e di e situacion, unda e
mandatario a admiti di tin un problema serio cu demas miembronan di Conseho di Min-
ister, Otmar Oduber no a atende ningun reunion mas di Conseho di Minister.
Como tal, el a dicidi tambe awor,
di lo no firma presupuesto 2016, te ora
cu tin claridad riba e puntonan cu a conduci
n’e diferencia di opinion serio cu a surgi.
Su decision ta bin net cu entiero di un consehero di Gabinete
Eman, esta di Piet Pronk, cu lo ta diabierne awor. Net bon pa
Gabinete Eman tene rouw cu fayecimento di Piet Pronk.
Pero despues di esaki, e reunion publico di Parlamento lo
mester tuma lugar, pero ta keda e pregunta, Otmar Oduber
lo firma presupuesto 2016 prome cu dialun awor?
Di acuerdo cu nos informacion, Prome Minister Mike Eman
y Minister Otmar Oduber ta delibera cu otro, te ora cu Mike
Eman a pidi Otmar Oduber pa pone su puntonan di discu-
sion riba papel. Y a keda na Prome Minister Mike Eman
duna su contesta, pero meramente e morto di Piet Pronk,
amigo personal di Mike Eman, lo por a forma un tardanza.
Pero tin varios dia ainda, prome cu proximo fin di siman
pa clarifica of no tin salida mas.
Y e ora ey, e retiro di Otmar Oduber lo drenta na vigor dia
1 di maart proximo. E por bira prome, si tin miembro di
Parlamento, cu no ta di acuerdo cu e forma di proceder di Otmar
Oduber y asina hasta lo pidi un reunion publico, pa manifesta nan
desconfianza, p’e forma cu Otmar Oduber ta stroba funcionamento di
gobernacion.
Ningun di e partidonan kier declara nada, pasobra nan a acorda di lo
mantene un “media-stilte” te ora cu yega na acuerdo of no.
