Page 25 - AWEMAINTA

Dialuna, 12 Maart 2018 AWEMainta 25

Apertura di ARUBA DOET 2018!

DIABIERNA mainta na Club Kibrahacha 60 Plus
a tuma lugar e apertura di ARUBA DOET 2018. Du-

rante diabierna y diasabra lo completa 207 proyecto
rond di nos Isla cu ayudo di 4000 boluntario. Esaki ta

e di seis edicion di ARUBA DOET, e accion boluntario

mas grandi na Aruba organisa pa CEDE Aruba hunto
cu Oranje Fonds.

E apertura a wordo haci dor di Su Excelencia, Goberna-

dor di Aruba Sr. Alfonso Boekhoudt hunto cu director
di CEDE Aruba, Sr. Daniel Tecklenborg, y director di

Club Kibrahacha 60 Plus, Sr. Jeffrey Matos. Esaki den

presencia di un cantidad grandi di boluntario y coor-
dinadornan di ARUBA DOET. Pa inicia e fin di siman

yena cu trabou y actividadnan boluntario Su Excelen-
cia Gobernador di Aruba a planta un mata di mango

den e hardin di Club Kibrahacha 60 Plus. Hardin cu

e grandinan lo haci uzo pa relaha. Alaves, Su Excelen-
cia Gobernador di Aruba a ricibi un recorido den Club

Kibrahacha 60 Plus y tambe a ricibi un regalo masha
special for di e grandinan di Club Kibrahacha 60 Plus.

ARUBA DOET 2018 ta diabierna 9 y diasabra 10 di

maart unda proyectonan social, di verf, hardineria, car-
pinteria y mucho mas lo wordo completa cu ayudo di

boluntarionan. Durante e fin di siman un team grandi

di boluntario, coordinadornan di ARUBA DOET 2018,
lo bishita tur e proyectonan rond di nos Isla.

Team di ARUBA DOET, directiva y oficina di CEDE

Aruba y Oranje Fonds ta gradici tur organisacion, com-
pania y persona cu ta dunando nan maximo esfuerso

durante ARUBA DOET 2018. Haci Bon, Pasa Bon!