Page 28 - KPA_Neat

HOMBER MALTRATA A RESULTA DI NO

TABATA NI MALO, NI MALTRATA, PERO

BURACHI DRUMI DEN PORTA DI TAT FAT

July 3, 2017 Admin Uncategorized Leave a comment

Weststraat – Diadomingo den oranan di anochi polis ta ricibi un informacion cu
tin un persona di edad drumi riba acera den e area di Tat Fat den
Venezuelastraat. Aparentemente e homber lo tabata maltrata.

Mesora a manda un patruya di polis y un ambulance na e sitio, na yegada polis
ta ripara cu ta trata di un conoci di nan y na prome instante e tabata mustra
mane malo

Despues di un rato ambulance ta yega na e sitio y ta bin nota cu e persona no
tabata ni maltrata y mucho menos malo, e persona aki tabata basta bou
influencia di alcohol.
Despues cu personal di ambulance a controle nan a bahe na su cas cu ta keda
eybanda mes.
ACCIDENT CU TRES PERSONA HERIDA,

CUAL UN DAMA CU TA SERIAMENTE

HERIDA NA ALTURA DI WAYACA FALLS

July 3, 2017 Admin Uncategorized Leave a comment

Wayaca – Dialuna mainta algo prome cu 6’or un accidente serio ta sosode altura
di Wayaca Falls.

Segun nos a compronde un auto lo a haya flat tire y nan lo tawata cambiando e
tire pa por continua nan caminda.

E autonan envolvi ta un Nissan Sentra, un Nissan Platina y un Nissan March.

Un total di tres persona a resulta herida. Loke nos a compronde na e sitio ta
indica cu aparentemente manera nos a bisa caba cu a bay pa cambia un tire y e
Nissan March bahando di pariba ta dal cu velocidad halto na banda robes di e
Platina.